گل هارداسان ای عاشیقئنی درده سالان یـــار

گل هارداسان ای عاشیقئنی درده سالان یـــار

گلدیک جه غم و عشقی اورکده چوخالان یار

پـروانــه کــئمـین آتـش غــمـده یانـیـر ایـنــدی

شـوقـیـله سنین بـاشی وه مین یؤل دولانان یار

گـل یاروی دیـندیر سؤروش احـوالنی بـئرجه

سـؤله نئجه سـن غـصه وغمـدن قـوجالان یـار

فـکر ایـتمزدیـم ســن منی گـؤزدن آتـاجاقـسان

میـن نـازیـله یـارین اؤرگیـن الـدن آلان یــار

هـئچ بیـلمزدیم غــم نــدی آســوده گـزردیـــم

بیردن گلیب عشقی منی سیل تک آپاران یــار

سـن وعـده ویریبسن گلجم دؤر یـولـوم اوسـته

آخــر نئیه اولـودو بئـله بیـر وعــده یالان یــار

کاتب دئـمه غــم بسـدی یئتـشـدیر سونا عشقی

دنیاده مـنه عــشق اولاجـاق بـیـرده قـالان یـار