بیر نفر وار سنین عشقینده یانیر تبریزده

بیر نفر وار سنین عشقینده یانیر تبریزده
بیر نفر سندن اؤتور خالقی دانیر تبریزده
سؤزوموز ایندی اسیر هر کوچه ده ، هر باجادا
گؤر خبرلر نه یامان تئز جالانیر تبریزده
سینم"ارک"این دؤشو تک شان شان اولوبدور سنسیز
اودو کی دردیمی بیر ارک قانیر تبریزده
او قده ر دیلده آدین شهری دولاندیم گئجه لر
سنی حتتا خیاوانلاردا تانیر تبریزده
هئچ بیلیرسن نه اوچون من گئجه لردن قاچیرام؟!
چون گونش یاتماغیلان درد اویانیر تبریزده
ائله روحوم دولانیر هر سحر آخشام باشینا
سانکی "شمس" ین باشینا آی دولانیر تبریزده
تئللرین هر گئجه مین یول داراییرسان یوخسا
هر گئجه مین دفه آی پارچالانیر تبریزده