گوره سن بیر گون اولار منده سنه چاتمیش اولام؟

گوره سن بیر گون اولار منده سنه چاتمیش اولام؟

سنی گؤرجک گؤزلیم غملریمی آتمیش اولام؟

نئچه موددتی منی مجنون ائدیب اوینادیسان

نه اولار منده سنی بیر گئجه اوینادمیش اولام؟

گئجه نی صبحه کیمین گؤزلروه فیکر ائدیرم

گون اولار گؤزلرووه عؤمر بویو، باخمیش اولام.

اوره گیم محبتین آتشینه شعله لنیب


تانری گورستمه او گون کی بو اوتو ساتمیش اولام.

گول اوزوون عاشیقیه م تا کی قیامت
یئتیشه

بونو فیکر ائتمه گولو من تیکانا قاتمیش اولام.

سنی گول سؤیله ییرم، دوزدی گول عؤمرو آز اولار

عؤمر آلارسان گر اورک گولدانینا ساچمیش اولام.

گئجه نی ساچلاروون موجی منی زار ایلییر

نه اولار زولفوون اوسته بی گئجه یاتمیش اولام؟

سنی دریا عوضی وصف ائلیه م، واردی یئری

اولار آللاه توزومی دریادا ایسلاتمیش اولام؟

منی بیمار ائله دی لبلروون غنچه لری

لطف ائله غنچه لبون، دونیا دا من آچمیش اولام.

دونیانین یوخدو وفاسی منی سن آتماگینان
قویما بی مهریلره منده سنی قاتمیش اولام...