من عالمه مینت چکیرم یار هوسینده

من عالمه مینت چکیرم یار هوسینده

یاریمسا گزیر شوقیله اغیار هوسینده

بیلمه م بو نئجه سردیر حکمتدیر ازلدن

بولبول گوله مایل،گول اولور خار هوسینده

مئی اوخشاماسا لب لرینه قیرمیزی لیقدا

بیر کیمسه تاپیلماز مئی گولنار هوسینده

هر گون اؤزونو گؤرمه گه حسرت چکیر عالم

گول فصلی اولار،ائل هامی گولزار هوسینده

بیلمه م نه گؤروب زولفده مجنون کیمی کؤنلوم

سرگشته دیر او طرّه ی طرّار هوسینده

عاشق سئویر او شوخی تعجب لی بو دیر کی

یوزلرجه گؤزل لرده اونون وار هوسینده

واحد یئنه قیمت چوخالیب یوسف شعره

گوهر ساتیلار اولسا خریدار هوسینده