ﺩﺍ ﻫﻤﻪ ﭼﯽ ﺧﻮﻣﻪ ﺑﮕُﯿﻦ، ﻣَﺸﮏ ﻭﻣَﻼﺭﺕ ﮐُﺠﻨﻪ؟

ﺩﺍ ﻫﻤﻪ ﭼﯽ ﺧﻮﻣﻪ ﺑﮕُﯿﻦ، ﻣَﺸﮏ ﻭﻣَﻼﺭﺕ ﮐُﺠﻨﻪ؟
ﺳﺎﯾﻪ ﺑُﻬﻮﻧﺖ ﭼﻪ ﺍَﻭﯼ، ﻗﺎﻟﯽ ﻭ ﺩﺍﺭﺕ ﮐﺠﻨﻪ؟
ﺩﺍ ﻫﻤﻪ ﭼﯽ ﺧﻮﻣﻪ ﺑﮕﯿﻦ، ﻣَﻮﻭﺩﻩ ﭘﺎﺭﻩ ﭘﻪ ﻭﺭﯼ!
ﻗﺎﺵ ﻭ ﭼﻮﯾﻠﺖ ﮐﯿﻪ ﺭﻫﺪ؟ ﺳﻮﺯﯼ ﻭﺍﺭﺕ ﮐﺠﻨﻪ؟
ﺩﺍ ﻫﻤﻪ ﭼﯽ ﺧﻮﻣﻪ ﺑﮕُﯿﻦ،ﺳﺮ ﺑﮑﻮ ﻣﯿﻨﺎﯼ ﮐَﺰﯼ
ﮐَﯿﻮﻧﻮﯼ ﻣﺎﻝ ﺑَﻮﻭﻡ ، ﺗُﻮﺭﻧﻪ ﻫُﻮﺍﺭﺕ ﮐﺠﻨﻪ؟
ﺗﯿﻠﻪ ﺯﻧﻪ ﺗﻬﺪﻩ ﻭﻩ ﮐﻮﻝ،ﺟﻮﺭ ﺍﻭﺳﺎﻻﯼ ﻗﺪﯾﻢ
ﺳﺎﯾﻪ ﺑﻠﯿﻂ ﮐﺪ ﺭﻩ، ﻭﻧﺪﻥ ﺑﺎﺭﺕ ﮐﺠﻨﻪ؟
ﺯﯾﺮ ﺑﻬﻮﻥ ﺩﻭﺩﯾﻪ ﺩﺍ،ﺩﺭﺩ ﺯﻣﻨﺪﯾﺘﻪ ﻭﻩ ﺧﻮ
ﻗﻪ ﻗﻪ ﮐﻮﮔﯽ ﮐﻪ ﮐﻨﻪ ﺑﺎﺯ ﺑﯿﺎﺭﺕ ﮐﺠﻨﻪ؟
ﻣﺎﻝ ﻭﻩ ﺭﻭ ﺍﯾﺮﻩ ﻭ ﺭﻭ، ﻣﻞ ﺯﻧﻪ ﻣﻦ ﮐﻪ ﻭﮐﻤﺮ
ﺑﯿﻮﯼ ﺗُﻨُﮓ ﻭﺧﺶ ﺍﯾﻞ ،ﺑﺎﻝ ﮔﺪﺍﺭﺕ ﮐﺠﻨﻪ؟
ﺑﺮﺩﻧﻪ ﻏﺎﺭﺕ ﻭﻩ ﮐﺠﻪ ﻣﺨﻤﻞ ﺗﻠﻤﯿﺖ ﺗﻮﻧﻪ؟
ﻏﯿﺮﺕ ﺍﯾﻠﺖ ﭼﻪ ﺍﻭﯼ؟ ﮔﺮﺩ ﺳﻮﺍﺭﺕ ﮐﺠﻨﻪ؟
ﺩﺍﯾﻪ ﭼﺘﻪ ﺧﯿﻦ ﻭﻩ ﺩﻟﯽ؟ ﭘﺮﺱ ﺗﻮ ﮐﺲ ﻧﯿﮑﻨﻪ ﻣﺮ؟
ﺯﻧﮕﻞ ﻣﺎﻟﺖ ﭼﻪ ﺍﻭﯾﻦ؟ﺑﻨﮓ ﺑﺮﺍﺭﺕ ﮐﺠﻨﻪ؟
ﺩﺍﯾﻪ ﭼﻪ ﭼﻢ ﻭﻧﺪﻩ ﺩﻟﺖ ! ﭼﻠﻪ ﮐﻮﭼﯿﺮﻩ ﺗﻮ ﺍﮔﻮﯼ
ﯾﻮﯼ ﮐُﺮﻭ ﻭِﻩ ﺟﯿﺮ، ﻓﺼﻞ ﺑﻬﺎﺭﺕ ﮐﺠﻨﻪ
ﺩﺍﯾﻪ ﻭﻩ ﮔﻮﺷﻢ ﺍﺭﺳﻪ، ﻧﺎﻟﻪ ﯼ ﺍﻣﺪﺍﺩﯼ ﺍﮔﻮﯼ
ﺳﯽ ﻣﻮ ﺑﮕﻮ ﮔﻮﮔﺮﯼ ﻫﻔﺖ ﻭﭼﻬﺎﺭﺕ ﮐﺠﻨﻪ؟
ﺍﯾﻞ ﭼﻪ ﻭﺍﺑﯿﺪﻩ ﮐﻪ ﺗﻮ،ﻣﻨﺪﯾﻪ ﺳﺮ ﭼﺎﻟﻪ ﯼ ﺳﺮﺩ؟
ﺑﯿﻮﯼ ﺩﻧﺪﺍﻝ ﻭﻩ ﻟﻮ، ﺩﺍﺭ ﻭﻧﺪﺍﺭﺕ ﮐﺠﻨﻪ؟
ﺗﻘﺪﯾﻢ ﺑﻪ ﻣﺎﺩﺭﺍﻥ ﺍﯾﻠﻢ ....
ﻣﺮﯾﻢ ﻣﻮﺳﻮﯼ ﮔﻮﺭﺍﺑﯽ