من دئمیرم گول اوزومه

من دئمیرم گول اوزومه
چوخ منی آغلاتما گولوم
من آغلئرام اؤز اؤزومه
سن باری آغلاتما گولوم

ائشید منیم بیر سؤزومی
سیلممیشم هئچ گؤزومی
آغلادئرام من اؤزومی
سن باری آغلاتما گولوم

باخ نه حالا دوشدی گؤزوم
اینان کی قالمایئب دؤزوم
آغلایئرام ایندی اؤزوم
سن باری آغلاتما گولوم

گزیب دولان آتما منی
اؤزگه لره قاتما منی
فلکده آغلاتسا منی
سن باری آغلاتما گولوم

گونده بولود کیمین دولام
آغلایئرام من بوشالام
اؤزوم سنه قوربان اولام
سن باری آغلاتما گولوم

سئوگی یولوندا اولدی بند
آغلادی سئودالی سهند
اللها باخ قاره کمند
سن باری آغلاتما گولوم