یا علی مددی @abasiuon_zanjan

یا علی مددی @abasiuon_zanjan

ای گوگل شیر خدانی نجه تعریف ایلیوم

سرور اهل ولانی نجه تعریف ایلیوم

ها علیُّ بشرُ کَیف َ بشردور علی

لامکانیله اولانی نجه تعریف ایلیوم

بو قلملرده توان یوخ یازا شخصیّتینی

مظهر سِرّ خدانی نجه تعریف ایلیوم

بیر وجودی که اونا آیه گلوب قرآندا

ایندی قرآنی نمانی نجه تعریف ایلیوم

نوریدور قالب انساندا گوزه گورسندی

بیر بیله نور هدانی نجه تعریف ایلیوم

فاتح خیبر و بدر و اُحد و خندقیدی

صاحب سیف فتانی نجه تعریف ایلیوم

حق علیندی علی حقّیله طاها بویوروب

بی نشانناندی نشانی نجه تعریف ایلیوم

بیر کسی که اونی تعریف ایلیوب پیغمبر

جاودان مرد جهانی نجه تعریف ایلیوم

بویوروبدی سنی هیچ کیمسه منیم تک تانیماز

یتوروب گور هارا شأنی نجه تعریف ایلیوم

منیده سویلدی بیر کس تانیانماز جز علی

چوخدا روشندی بیانی نجه تعریف ایلیوم

بو چخار یوخدی ئوزمده دانشام مولادن

قلمون یوخدی توانی نجه تعریف ایلیوم

شاه دیسم چوخ کیچلر، شاهلار علی نوکریدور

لنگر کُون و مکانی نجه تعریف ایلیوم

نقطه سیز اصلا اوخونماز بیلوسوز بسم الله

نقطهء تحتِ او بانی نجه تعریف ایلیوم

باء بسم اللهیلن اول نقطه سی بو حیدردی

اَعلَم و اَعدَل آقانی نجه تعریف ایلیوم

گونه بیر لحظه باخوب سویلدیم ای گون دی منه

دیدی والشّمس و ضُحانی نجه تعریف ایلیوم

بو ایشیق منده یوخیدی منه گون ویردی علی

منبع نور و ضیانی نجه تعریف ایلیوم

داغلارا یوز دوتوب اوللاردان علینی سوروشام

داغ دیدی کوه وفانی نجه تعریف ایلیوم

سَروِدن من خبر آلدیم دئ ایله سَروردَن

دیدی من سَرو جنانی نجه تعریف ایلیوم

موج دریا باشینی ساحله وردقجا دیدی

بحر مَوّاج حیانی نجه تعریف ایلیوم

باصفا سویلسم اول شیر خدایه کیچلر

روح اخلاص و صفانی نجه تعریف ایلیوم

مُدّعی اولمیوب هیچ کیمسه سَلونی بویورا

اولمیوب اولسا گر هانی؟ نجه تعریف ایلیوم

استاد عینی فرد زنجانی @abasiuon_zanjan
کانال عباسیون زنجان