*تا برویم*

*تا برویم*
عشق بنگ ایکنه یار اومه وری تا برویم
گل وجی چلکه و خار اومه وری تا برویم

عمر سرما وسر اومه زمسون بارش بهس
کره دز مهس بهار اومه وری تا برویم

ایل گل میل سفر کرده و ما بی خوریم
شهنه ی اسب و سوار اومه وری تا برویم

گوش که بی لیکه برنو کر ابی کل بزن
فصل ده تیر و قطار اومه وری تا برویم

هم سرو و لرکه هم کل هر چه ایخی یا علی
روز تشییع فشار اومه وری تا برویم

دور معجر کره دز حلقه زده باوینه
دهس لی پهلل یار اومه وری تابرویم

خارک سوز زر مال شرین وابیده
فصل خرما و خمار اومه وری تا برویم*