گلایه به لهجه بختیاری

گلایه به لهجه بختیاری

خدایاکُجِنی و در چه حالی ؟
کوهستون رهدَیه یا مین مالی؟

هَنی هم ایچونی یا ره دیری؟
به اِیلاق مَندیه یا گرمسیری؟

ز حال خُوت بگو و روزگارت
ز احوال خوتو اِز کار و بارت

اگوم داری خور از بندگونت؟
همونایی که محتاجن به نونت؟

خِور داری زِ اوضاع زمونه ؟
ز اونا که ندارن لیز و لونه ؟

غم و درد زمونه بی حساوه
اَیَر جلدس کُنی صدتا کِتاوه


یهَ سیلی کن به حالِ بندگونت
همونایی که مندن در حونت

به فِرگِ مردُمه بیچاره وابو
ز درده دل شو رو ایکشن هو

به جُست تو ایگردِن بندگونت
کُجه پیدا کُنن جا و مَکونِت ؟

به نِییَر حال و احوال فقیرون
تک و تِینا مندن چی اسیرون

تو که خوت راحتی، ناری ملالی
اِخونی سی خوت هر دم دی بلالی

نداری بچه و اهل و عیالی
نداری غصهٔ مال و منالی

تموم مال دنیا زِخوته تَک
حُونِت گرمه زِسرما نِیزَنی دَک

وا کی گپ ایزَنی، با کی ایگردی ؟
تو که خوت چاره و درمون دردی

حواسِت سی هَمس تِی گَپ گَپونه ؟
اوناکه کم ندارن اِی زمونه

بگو سی مو تو واکی ایپلاسی ؟
تو که خوت آخر و اندِ کلاسی

ویرِت وا مو بوه مو غصه دارُم
مو گیر کردُم میونِ کارو بارُم