منه آند ایچ کی منی آتمایاجاقسان سؤز و‍ ئر.

منه آند ایچ کی منی آتمایاجاقسان سؤز و‍ ئر.

بو گولَن گؤزلری آغلاتمایاجاقسان سؤز وئر-

سنه مخصوصدو اورک، ساکینی یوخ مهمانی یوخ-

منه اوممید وئریب آللادمایاجاقسان سؤز وئر.

نِئجَه دَه شادیمانیق، سنله برابر گوزَلیم-

بِئله خوش گونلرَ غَم قاتمایاجاقسان سؤز وئر.

باخاراخ گؤزلریمه سؤیله اورکدن بو سؤزی-

غم کدر ایچره داها باتمایاجاقسان سؤز وئر.

اوره یین شام و سحر عشقینه صادیق دوراجاق-

منه فیکر اِئیلَمَدن یاتمایاجاقسان سؤز وئر.

بو مَحَبَت بیزیم عالمدَکی تک ثروتیمیز-
اونو دونیا مالینا ساتمایاجاقسان سؤز وئر.

اورگیم یار سنه صادیق دیر ازلدن بونو بیل-

سن اؤزون سئوگی داشین آتمایاجاقسان سؤز وئر.