-تی اصلیت تَرَ فراموش نَبه

-تی اصلیت تَرَ فراموش نَبه
امی زبان ماری، خاموش نَبه

-تا دور بوبوستی تُو از اَ حوالی
میگی مَرا تی گب نمی شه حالی؟!

-تی زاکَ یاد دیهی تو لهجه فارسی
هَسَ بوبوستْ گیلکی بی کلاسی؟

-نسل جدید در اَمی مورد چی گه؟
آیندگانِ هویت پس چی به؟

-چِره باید کاری کودن اشتباه
تا ببه گیلکِ اصالت تباه؟

-اَ خاکِ گیلان امی پِر و ماره
گیلکی هم امی پیله براره

-برار مگر برارَ از بین بره؟
به عاقبت فکر بوکودی هیذره؟

-به روزی که گیلکی از بین بشه؟
جواب آینده یَ پس کی دِهه؟

-زبان گیلکی می افتخاره
از امی تاریخ، ایتا یادگاره

-تاریخی که پُر از دلاوران بو
میرزا کوچک، ایرانِ قهرمان بو

-شیون، اَمی شاعرِ شاعران بو
محمودِ نامجو، پیله پهلوان بو

-اوشان که گیلکانه افتخارید
مایه ی عزت امی دیارید

-تُو هم بیا با هم همه دست به دست
امی گیلانَ چکونیم بی شکست

-بیا اَمی زبانَ حرمت بَنیم
کوچی زاکانَ گیلکیَ یاد بَدیم