سیزلات سازینی سینه ده داغلار جا سوزوم وار

سیزلات سازینی سینه ده داغلار جا سوزوم وار
های های چال عاشق سیزلایان او تئلده گوزوم وار
یاندیر کوله دونده ر منی باخ منده دوزوم وار
باخ یانماغیما شمع ایله پروانه اوتاندی
یانماغدادی شعریم کی بوگون کونوله یاتاندی

سیزلات سازینی قوی جوشوم الهام قوجاغیندا
چال چال منی دیندیر یئنه غم لر چاناغیندا
احوالیمه باخ آتش عشقین اوجاغیندا
باخ یانماغیما شمع ایله پروانه اوتاندی
یانماغدادی شعریم کی بو گون کونوله یاتاندی
@nabcc

های های چال عاشیق قوی سوزولوم می کیمی جامه
قوی من جالانیم کئفلی کیمی شعره کلامه
قوربان اولارام سوز بیلنه عهده مرامه
باخ یانماغیما شمع ایله پروانه اوتاندی
یانماغدادی شعریم کی بو گون کونوله یاتاندی