ﺑﮑﻦ ﺑﻨﮓ ﻭ ﺑﺎﺯﻡ ﺑﺰﻥ ﺗﺶ ﺏ ﭼﺎﻟﻪ

ﺑﮑﻦ ﺑﻨﮓ ﻭ ﺑﺎﺯﻡ ﺑﺰﻥ ﺗﺶ ﺏ ﭼﺎﻟﻪ
ﮎ ﮐﻮﮒ ﺑﺮﺍﻓﺘﻮ ﻫﻨﯽ ﺭﯼ ﺏ ﻣﺎﻟﻪ

ﺑﺮﺍﻓﺘﻮ ﻫﻨﯽ ﺧﯿﻦ ﻭ ﺟﻮﻧﺲ ﻧﺸﺴﺘﻪ
ﮎ ﮔﻮﮒ ﻋﺰﯾﺰﺱ ﺩﯾﻪ ﺑﺎﻝ ﺍﺑﺴﺘﻪ

ﺑﺨﻮﻥ ﮐﻮﮒ ﺗﺎﺭﺍﺯ ﺑﺎﺯﻡ ﺯ ﺍﯾﻠﺖ
ﺑﺨﻮﻥ ﺗﺎ ﺑﯿﺎﻫﻪ ﺯﻧﻮ ﺑﻮ ﭼﻮﯾﻠﺖ

ﺑﺨﻮﻥ ﺗﺎ ﺑﻮﻧﺪﻥ ﭘﯿﺎﯾﻞ ﺑﻬﻮﻧﺎ
ﺯﻧﻮ ﺳﺮﺩﺭﺍﺭﻥ ﻫﻤﻪ ﭘﻬﻠﻮﻭﻧﺎ

ﺗﻮﺭﻫﺪﯼ ﻭ ﻣﺎﻟﻢ ﻫﻨﯽ ﺑﯿﻘﺮﺍﺭﻩ
ﻫﻨﯽ ﺳﻮﺯ ﻭﺩﺍﻏﺖ ﺏ ﺍﯾﯽ ﺩﻝ ﺳﻮﺍﺭﻩ

ﻫﻨﯽ ﻣﺎﻟﮑﻨﻮﻧﻢ ﺳﺮﺟﺎﻧﺸﺴﺘﻪ
ﮐﺮ ﺷﯿﺮ ﺍﯾﻠﻢ ﻗﻄﺎﺭﻩ ﻧﺒﺴﺘﻪ

ﻫﻨﯽ ﺑﻨﮓ ﺑﺮﻧﻮ ﻧﯿﺎﻫﻪ ﺯ ﮐﻬﺴﺎﺭ
ﮐﺮ ﺷﯿﺮﺍﯾﻠﻢ،ﺗﻮ ﭼﻮﻗﺎﺗﻪ ﻭﺭﺩﺍﺭ

ﺑﺰﻥ ﺑﻨﮓ ﻫﯿﺠﺎﺭ ﻭ ﻭﺭﺩﺍ ﺗﻔﻨﮕﻪ
ﺑﺨﻮﻥ ﺳﯽ ﺩﻝ ﺧﻮﻡ ﮎ ﺳﻮﺯﺕ ﻗﺸﻨﮕﻪ

ﺑﮕﻮ ﺗﺎ ﺑﯿﺎﻫﻦ ﻫﻤﻪ ﻫﻔﺖ ﻭ ﭼﺎﺭﺕ
ﺑﮕﻮ ﺗﺎ ﺑﻮﻧﺪﻥ ﭘﯿﺎﯾﻞ ﻗﻄﺎﺭﺕ

ﺑﮕﻮ ﺑﺨﺘﯿﺎﺭﯼ ﻫﻨﯽ ﺳﺮﺩﯾﺎﺭﻩ
ﺑﮕﻮ ﺍﯾﻞ ﻣﻮ ﺍﯾﻞ ﺍﻓﺘﻮ ﺳﻮﺍﺭﻩ

ﺑﮕﻮ ﺑﻨﮓ ﺑﺮﻧﻮ ﻫﻨﯽ ﻫﻢ ﺑﻠﻨﺪﻩ
ﻫﻨﯽ ﺑﺨﺘﯿﺎﺭﯼ ﺳﺮ ﺟﺎﺧﻮ ﻣﻨﺪﻩ

ﺑﺨﻮﻥ ﺗﺎ ﺑﺪﻭﻧﻦ ﮎ ﺗﻮ ﺳﺮ ﺩﯾﺎﺭﯼ
ﮐﺮ ﺷﯿﺮﺍﯾﻠﻢ،ﮐﺮ ﺁﺳﻤﺎﺭﯼ