درد دارُم که مرض دار ندارهِ بخدا

درد دارُم که مرض دار ندارهِ بخدا
تیرکاری تِیَلِت هیچ ندارهِ دَ دوا

نوش دارو نَرَسی وَم که دِلُم خش آوو
سیر سیلم بکو شاید که بمیرم مو صوا

سرطون خینه تَشِ دیرِیِ نازِ تِیَلِت
کم کَمک ایگره جونم وُ اییُفتُم مو وَ پا

سَرِ بی دردمه بُی عشقه تو اِنداتِمه تَش
نَرَسُندِت تونه وَم ایهمه هی نذر و دعا

تَش و برقِ تِیَلِت کرده اسیرُم چه کنم
تا که آوُم مثه خوت بی خَوَر از درد و بلا
سرگشته
#سهراب_عرب_زاده