ای گوهر نفیس زمین وزمان سلام

ای گوهر نفیس زمین وزمان سلام

سلامی برساحت قدسی آقا امام زمان (عج)
سوز وگدازی عاشقانه با صاحب و اربابمان
تقدیم به شیفتگان آن حضرت ومنتظران نماهنگ های امام عصر(عج)

به قلم استاد غلامی سرای

دانلود نماهنگ: http://yon.ir/m2Uog


وقتی که موجلار دوشَنَللر ایاقیوه
وقتی دعا گوئلی جالانار گول دوداقیوه
وقتی که طورغبطه ییر گوی اوجاقیوه
اوندا غبار درده باتان بی کسانه باخ
رنجورلر یولوندا منتظر ای بی نشانه باخ

گونَّن اشیقلی جلوه وارون پیچ وتابیده
بیرگون بو جلوه ده مگرقالار آیا نقابیده
سن کعبه تک دایان،تمام خلایق شتابیده
بیر شور اولار اگر گوره عالم جمالیوی
داغلار ائدرقیام گورنده جلالیوی

ای گوهر نفیس زمین و زمان سلام
گَل تا جهان جلالتیوه ائدسین احترام
غیر آدین بو لبلره دای قونموری کلام
مهرین زلال چشمه کیمون بی کران آخیر
عشاقی اما آیرلیقین یاندریر یاخیر

آقا سلام سجدوه زیبا نمازیوه
وقت قنوت عرشه چاتان فخر و نازیوه
آیات حق تلاوتینده فرود و فرازیوه
ای خیمه گاهینون بهشته ائدن فخر قبّه سی
گل بینوالرین یوخی دای، آیری بیر کسی

بیلمَم نه جور گورور بوجفانی گوزون سنون
تاب ایلیر نه جور گورنده بوقانی گوزون سنون
هی قانیده گورور آنانی بالانی گوزون سنون
قلبو یمن جراحتی هی بی قرار ائدیر
یا سینه وی میانمار اودی داغدار ائدیر

آل جدیوین اوقانلی کوینگین ای دلربا اله
ای روح عالم امکان دعا ائله
گل بو جهانِ غرقِ بلا بلکه دینجَله
عالمدی ظلم اوتلارینا گونده شعله ور
سسلیر سنی هرایه بو غوغاده شیعه لر

غمخانه ده گوزون یاشی بارانه چوندی گل
آباد اوره لر اولدی غمکده ویرانه چوندی گل
گوزیاشیموز آخیب داها طوفانه چوندی گل
دای طعنه دن یورولموشوق ای باغ فاطمه
جانلاره اوت ورور هله ده داغ فاطمه

گل دینی غارت ایلیَنلَرین اوتلانسین اللری
اهل دیلین نیایشه قوزانسین اللری
یوسف کیمون چیخ آشکارا دوغرانسین اللری
گل قویما جام مذهب و ایمانه قان دولا
بند و بساط فسق و ریا بلکه جمع اولا

#اشعار_امام_زمان #استاد_غلامی_سرای #مرکز_فرهنگی_شهید_جدیری_کهنموئی