من درک دلم شایی دنیسی

من درک دلم شایی دنیسی
کنار سوز آبادی دنیسی
صدی بنگشت من دارل دنیایه
درنگه ی مرغ آزادی د نیایه
از او روزی که بایمدونه تش زن
وبایمل تیت یادی دنیسی
دو برگ عشق من یک رهتن یهوی
شرین مرده وفرهادی دنیسی
سر لیلی ومجنون بریدن
وطیفه ی عشق اولادی دنیسی
صدی نین چپون ودی بلالش
پسینل صحرانه کر ایکه
چنون نین ایزه ای نامسلمون
دورل مالم نه کافر ایکه
یهوی ایل غارتگر ل آومه
قبی تیمور وری چنگیز شستن
سر شو بی که گرگل حمله کردن
دری پازن وخینش رنگ وآبی
بره من خین خوش غلط ایزه تا صب
دلش سی اسب و برنو تنگ وآبی
چپون افتا یه بی شئون ایکه
گمونم تیل خری وناله ایکه یه فکری سی گله ی پازن ایکنه 💔💔💔