ئه وج مه زلوومی شارم ها سدات

ئه وج مه زلوومی شارم ها سدات
شیرینی غه می دیرینه م فدات
بولبول خوشخوان باخ کوردانی
را دلته نگییم ئارام گیانی
هاوار مولک زه نجیر وه پا
له سکووت مه رگ زنه ی و سدا
گووش په نجه ره یل چه وه ری تنن
له باخ ئیحساس گول ئه رات چنن
خودا بکه یدن نه چیته قه فه س
فه دای هه نجه ره ت هه زاران نه فه س
شیعره یل نابم فه دای ئاوازت
ته پش دلم به دره قه ی سازت
وه خت ته و دیرم پر له خیالم
شه که ت و دلگیر نه خوه شه حالم
هوونکی سدات ته و وه هورم به ی
میهمان خودام خوه ی نیشانم ده ی
وه کونج قه فه س شیوه نه کارم
وه خت سدات تیه ت من په ر درارم
سووز دله گه م! بکیشه ئاواز
کزه ی بی به شیم بی وه نوت و ساز
به و وه گه رد یه ک بخوه نیم وه نوو
باخ پر له گول بی باخه وان بوو
به و تا بخوه نیم وه ی چاره ی ره شه
را جوغرافیایگ له مه رز بی به شه
به و تا بخوه نیم وه دلواپه سی
تو له غه ریبی م وه بی که سی

#کورد
#کوردستان
#somakurd