هنی هم شو اوما دردم گرونه

هَنی هَم شو اُوما دردِم گِرونَه
هَنی بو غُصَه پیچِسَه دِ‌حونَه

هَنی آسارَه نارَه آسِمونِم
هَنی هم هِه خِراوَئه حونِمونِم

هنی هم جوقِ خوشبختینِه میکِم
هَنی هم زیرِ چَشِم کَشیَه نِم

مِه تا آخِر گِرفتارِ چَشیاتِم
مِه حاکم کوت تونِم، زارِ چَشیاتِم

مِه درگیرِ مِرافِه رَتِنِت بیم
تو رَتی وُ مِه مَرگِن وا چَشِم دیم

تو رَتی وُ بُرِسِم وا غَمِ تو
نتونستِم رِمِسِم وا غَمِ تو

زِمی لرزِه تو کِه اُفتا وِ جونِم
وِ سَر پا نَتونِستِم که بَمونِم

رتی وُ تکونی دَی وِ دیارِم
نگوتی طاقَتِ لرزِسِه نارِم

رَتی اِ چلچراغِ سقفِ شویام
رَتی تا کورِ تاریکی دِلِم بام

#لر