ﺧُﺮﻭﺱِ ﻟﯿﺶ ﺭﻭﺳﺘﺎ ﺗَﺶ ﺑِﻪ ﺟﻮﻧِﺖ

ﺧُﺮﻭﺱِ ﻟﯿﺶ ﺭﻭﺳﺘﺎ ﺗَﺶ ﺑِﻪ ﺟﻮﻧِﺖ
ﯾِﻪ ﻣﺎﺭﯼ ﮔَﻢ ﺯَﻧﺎ ﻣِﻦ ﺭﯾﺸِﻪ ﺯﻭﻧِﺖ

ﭼِﺘِﻪ ﺑﺎﺯَﻡ ﮐُﻨﯽ ﻫَﯽ ﺑُﻨﮓ ﺳَﺮِ ﺑُﻨﮓ
ﺗَﺮﯼ ﯾَﻪ ﺩَﻡ ﺑِشﯿﻨﯽ ﻻﻝ ﻭ ﺑﯽ ﺩُﻧﮓ

ﻭُﺭِﺳﺘﯽ ﻭ ﺯَﻧﯽ ﻭﺍ ﺩَست ﮔﺎﻟِﻪ
ﮐَﺴﯽ دی نیکُنه ﺗَﺶ ﻣﯿﻦِ ﭼﺎﻟِﻪ

ﻫَﻤِﻪ ﺗﺎ ﭼﺎﺱ ﺗَﺨﺘﺱِ ﺍﯾﮑُﻨِﻦ ﺧَﻮ
ﮐﺴﯽ ﻧﯽ ﺗﺎ ﺑِﺮِﻩ ﺳَﺮ ﭼَﺸﻤِﻪ ﺳﯽ ﺍَﻭ

ﺩِﯾِﻪ ﻣَﺸﮏ ﻭ ﻣَﻼﺭﯼ ﻧﯿﺲ ﻭﺍﭘﺎ
ﺯَﻧﯽ ﻧﯽ ﺗﺎ ﻭُﺭِﺳﺗِﻪ ﺩَﻭﺭِ ﻣﺎﮔﺎ

ﻧَﻪ ﺩﯼ ﺑُﺰ ﻣَﻨﺪِﻩ ﺗﺎ ﺷﻮﻧﯽ ﺭِﻩ ﺑﺎﺳﻮﻥ
ﻧَﻪ ﮔﺎ ﻣَﻨﺪِﻩ ﮐِﻪ ﮔﺎﭘﻮﻧﯽ ﺭِﻩ ﺑﺎﺳﻮﻥ

ﻭُﻻﺗﺎ ﻟُﻬﺪ ﻭ ﻟﯿﺸِﻦ ﭼﯽ ﻧِﻬﺎ ﻧﯿﺪ
ﮐَﺴﯽ ﮐُﻪ ﻧﯿﺮِﻩ ﻣَﺮ ﻫﻮﺷِﺖ ﻭِﻩ ﺟﺎ ﻧﯿﺪ

ﻧَﺰَﻥ ﺳﯽ ﻣﺎﻝِ ﺩُﻧﯿﺎ ﺍﯾﻘَﺬَﺭ ﺟﻮﺵ
ﭘَﻪ ﺩﯼ ﮐﯽ ﻣَﻨﺪِﻩ ﮐِﻪ ﺑُﻨﮕِﺖ ﮐُﻨِﻪ ﮔﻮﺵ

ﺗُﻮ ﺧُﻮ ﺗِﯿﻨﺎ ﺗَﻠﯿﺖ ﺁﺑﯿﺪِﻩ ﺳﯽ ﺗُﻮ
ﻫَﻤِﻪ ﺣَﺴﺮَﺕ ﺧُﻮﺭِﻥ ﺳﯽ ﺯِﻧﺪِﻩ ﯾﯽ ﺗُﻮ

ﺗُﻮ ﺑُﺮﺩﯼ ﺁﺑِﺮﻭ ﻫَﺮ ﭼﯽ ﺧُﺮﻭﺳِﻪ
ﮐِﻪ ﺩﯼ ﻣُﺮﻍ ﻫَﻢ ﻭَﺭِ ﺗُﻮ ﻧﯿﮕُﺮﻭﺳِه