عشق یعنی کیم بیلیر سن هارداسان

عشق یعنی کیم بیلیر سن هارداسان
کیم بیلیر سن اؤلموسن یا قالمئسان

عشق یعنی بیر عؤمور گؤز آغلاسئن
بیر اورک یانسئن اؤزون هی داغلاسئن

عشق یعنی یوللارا باخسئن گؤزون
آیرئلئقدان گونده اؤلدورسون اؤزون

عشق یعنی هارداسان غوربتده سن
یار ایشئقدا سن قارا ظولمتده سن

عشق یعنی حسرتین وار بیر قوجاق
اولدی دونیادا یئرین تک بیر بوجاق

عشق یعنی سن یاشاد اؤز یاریوی
اؤل آما بیلدیرمه آه و زاریوی

عشق یعنی سن دولان یار باشئنا
گونده قوربان اول اونون گؤز قاشئنا

عشق یعنی دؤنمه یولدان بیر کلام
آل اورک سن نازلی یاردان والسلام.