جان وئریر غربتده آللاه مرتضانین مظهری

جان وئریر غربتده آللاه مرتضانین مظهری
آیریلیر اهل و عیالیندن امام عسگری
ایکّی یوز آتمیش ایلینده ثبت اولوپ بوماجرا
هشتم ماه ربیع الاول اولدی غم فزا
بوگئجه صاحب زماندی واقعی صاحب عزا
یاد ائدیر محنت لری آغلیر دییور ای وای بابا
گوردی باباسی وئریر جان دولدی غمدن گوزلری
معتمد ملعونه گلسین لعنت حق مستدام
ائیلیوپدی چوخ اذیت حضرته هر صبح و شام
ییرمی دوقّوز سینیده دنیانی ترک ائتدی امام
هاشمی خالی یوزونده صورتی ماه تمام
امر ائدیپ مسموم ائدیپلر سمّیلن اءول سروری
حضرت صاحب زمانین قانه دونموش گوز یاشی
بیر اوشاقدی حضرت اوردا یوخ باجی یا قارداشی
یوخدی بیرکس غمگساری غم گونونده یولداشی
غصه لر قلبین آلیپدی چوخ کیچیکدی دورت یاشی
گوز یاشی قانه دونوپ سسلیر هرایه مادری
ترک ائدیر دنیانی حضرت آغلاشیر ارض و سما
عالم علم کلام وفلسفه ابن الرضا
یوخدی دنیاده نظیری اهل فضله مقتدا
لب لریندن قان آخیر تاثیر ائدیپ سمّ جفا
شهر غربتده وئریر جان یوخ امامین یاوری
یادیمه دوشدی بویئرده ماجرای کربلا
بیر غریبین دورین آلمیش کربلاده اشقیا
تک قالیپ زهرا بالاسی یئر گویی دوتموش بلا
یوخدی یار ویاوری بی کس قالیپ میرهدی
یوخدی بیرکس ردّ ائده اوردان اوقوم کافری
تکجه زینبدی اونا یاورآقا قالمیشدی تک
یوخدی زهرا اوغلونا کربو بلاده بیر کمک
ای حسین ای جان قرآن عشقه ای عالی محک
جان سنه قربان حسین یا لیتنا کنّا معک
کاش سنه قربان اولوپ حفظ ائیلییدوخ سنگری
بار الاها حضرت صاحب زمانی تئز یئتیر
زاده یخیر النساء میر هُدانی تئز یتیر
جدّی نین قویما قالا تا یئرده قانی تئز یتیر
یادگارمرتضی شاه جهانی تیزیئتیر
تاکه خوشنود ائیلییه بو گلماقی پیغمبری