بهلول و نشستن برتخت

بهلول و نشستن برتخت
بهلول دانادن بیر گوزل شعرطنزترکی
اثری فاخر وماندگار از استاد منعم اردبیلی
دانلود پادکست: https://bit.ly/2Ka4ySl

دیوللر بیر زمان بهلول دانا
حکیم کامل استاد توانا
قیافه گورملی قامت کشیده
گیروب دربار هارون الرشیده
خلیفه اگلشن تالاره کِشدی
سحر وقتی دی هارون گلمه میشدی
دولاندی باخدی کاخه رخته بخته
یوگوردی سرعتیله چخدی تخته
اوتوردی تخت ده گرم اولدی مزاجی
گوتوردی باشینه تئز قویدی تاجی
توکولدی میر غضب لر بیر اَلو تک
اوتخت اوسدونده باشلاندی چکاچک
اوقدری ووردولار گوز باش توتولدی
همین اثناده هارون وارد اولدی
اوزون قانلی گورنده اولدی دلسوز
دئدی آیا نه اوسدونده ورورسوز
دیدولر ننگ دی بو مملکت ده
چخیب اگلشدی تخت سلطنت ده
قیزاردی گوز غضب لندی خلیفه
دئدی آی مرد احمق بی وظیفه
اورا تخت رئیس مملکت دور
سنه تخت اوسدونه چخماق غلط دور
چخارسان تخت سلطانه ووراللار
ووراللار باش بیلنگو سیندیراللار
سنه بیر سوز دییوم چوخ مصلحت دور
چماق دیوانیه چوخ منفعت دور
داها بوندان سورا بیرده کاریخما
داها بوندان سورا تخت اوسده چخما
چخارسان تخت سلطانه ووراللار
ووراللار باش بیلنگو سیندیراللار
دئدی فکر ائتمه سینه داغلیرام من
اوزومچون یوخ سن اوچون آغلیرام من
اوتخت اوسده اوتوردوم بیر دقیقه
اوقدری ووردوللار شیشدی شقیقه
اوتوز ایلدی او تخت ده اگلشیب سن
اوتوز ایلدی ییوب گویچگ لشیب سن
اوتوز ایله اوتوز گون یوخدی تعطیل
دوَجاقلار سنی گور نچّه مین ایل
سنه بیر سوز دییوم چوخ مصلحت دور
اگر باخسان سوزومه منفعت دور
یماق ایچماقدا چوخ اولسون قیامون
کوکَل تاپدانماقا اولسون دوامون

#اللهم_عجل_لولیک_الفرج #اللهم_ارزقنا_توفیق_الشهادة_فی_سبیلک #بهلول_نشستن_برتخت #اشعارطنز #استادغلامی_سرای #جدیری #شهیدجدیری #مرکز_فرهنگی_شهید_جدیری_کهنموئی


مرکز فرهنگی شهید جدیری کهنموئی

http://shahidjodeiry.blogfa.com
https://instagram.com/shahidjodeiry
https://t.me/shahidjodeiri
https://bit.ly/2l9v0T1
https://bit.ly/2WAE1CB