❤به عشق مسعود بختیاری❤

❤به عشق مسعود بختیاری❤

گرمسیر گرمه، گرمه ولا و باد گرم ایاره
کاشکی که زی‌تر مال بار کنه بریم ایلاق دوواره

گرمسیر گرمه، بیوین بار کنیم گویل بریم سی سَرحَد
بزنیم آخه یه وار نو بهلیم ای کهنه واره

کوه زردنه بوگوین بوگوین کردیمه گردواری
تی به ره بو تا مالا بیان آخه ز آسماری

کوه زردنه بوگوین بوگوین آخه مندیرمون بو
گردواری کردیمه پای آخی وابا مه نو

کوه زردنه بوگوین بوگوین آخی کوگس بخونه
سر چارده نوم خدا آخی دی مال کنونه

کاشکی یه سال مالا ونن آخی پا چشمه ساری
هر کسی بره صو تا پسین آخی به دین کاری

کاشکی یه سال مالا ونن آخی وار برافتو
هر کسی بره به دین کاری از صو تا سر شو

شو یه تش تنگی بزنیم آخی ز هیوِ کلخنگ
میشکاله بوگوین بوگوین آخی منشینه بی دُنگ

شو یه تش تنگی بزنیم آخی ز هیوِ بایُم
میشکاله بوگوین بوگوین آخی هف کنه قایُم

بیوین یه تش تنگی بزنیم آخی دورس بوازیم
میرشکال ای هف کن به ساز همه مندیر سازیم