غزل جونی ، گلم ، حالت چطوره ؟

غزل جونی ، گلم ، حالت چطوره ؟
گلم،     حـال   تیی کالت چطوره؟

خشی، خوبی، گل مینا بنــوشم  ؟
یل بالا بلَی  بــــاوینه پوشم
ولات و ایل و مالِت وچه حـالن
جوونل   دیبلالِت     در چه حالن ؟
بگه   بینم  بهـــــار ابیده صحرا

سرو ایگو هنی هم   خاله زهرا ؟

هنـــی  ساز و نغاره و دعوتی هه

من آبـــایی   فقیر پاپتی هه؟
هنی هم خهک و خل من مال هسی

بگ او سـی کلک امسالهسی؟

  هنی هم سند موری رسمه یـا  ،نه
شلی شیری م دوری رسمه یا ، نه؟ 

غلــــوممه    چطوره؟    تیزه بیلش
هنی    تیــغ ایزنه بی زر سبیلش؟
کسی حال کسی ن ایپرسه یـا نه

ریاست  خانقلی خان قرصه یا نه؟

یه نامه ی دادی و کـردی خرابم
وری تاوه ی  تیت   کـردی کبابم

چه وابیــیه که نامه ت بوغم اییه
اول  تـا آخرش بـو    ماتم   اییه
گمون کردم کـه مهلی روبه رایی

کنیزی     نیکنی خـوت شامرایی

 

دلم   نیخو کـــه دلتنگ مو وابی

کلــو وابی    و همرنگ مو وابی

 

یه دف  ایگی که لهری بـو نیاره

کمش خالیه   شــوم شو نیاره

 

یه روز ایگی که من باغـم بلی نی

یه شو ایگی که من پیلم تلی نی

 

پسین ایگی که تش چالی مو کوره

صباش ایگی   که زن حالوت بوره