حیدر بابا  دنیا یالان دنیادی

حیدر بابا  دنیا یالان دنیادی
شهریاری بیزدن آلان دنیادی
اوره ییمیزی  درده سالان دنیادی
الیمیزدن شهریاری آلیبدی
بیزی یامان  درده غمه  سالیبدی


حیدر بابا سنون باشون اوجالدی
جوانلارون افتخار لا     قوجالدی
هایف اولسون دنیا سننن باج آلدی
تئز آلیبدی  شهریاری    الوننان
بولبولووی  آیری  سالدی گولونان


حیدر بابا بیر گونودون آی اولدون
دریاییدون ایندی نیه چای      اولدون
سن یاسلیدا  من یاسلیا تای اولدون

سنده رحمت منده رحمت اوخویاخ
شهریارین   مزارینا           یول لیاخ


حیدر بابا  آلان یوخدی سوراغی
قورویبدی  ادبیات      ,دوداغی
یامان سؤندی  شئعریمیزین چراغی
شهریار دان  سورا یوخدی شهریار
یازا حیدر بابا    اولا  بختیار


حیدر بابا ایلدیریم  لار شاخاندا
غملی (حسرت) شاقیلتیا باخاندا
گوزوم یاشی قطره قطره  آخاندا
شهریاری  یادا سالیب  آغلارام
سینم اوستون چارلی چرپاز داغلارام

حیدر بابا کهلیک لرون اوچاندا
قیز گلینون غم دونونی بیچنده
دردلی خیری دفترینی   آچاندا
شهریارین شعری دوشر   یادیما
اوخویارام تئز یئتیشر   دادیما

حیدر بابا گون دالووی داغلاسین
حسرت سنه بیر دسته گول باغلاسین
شهریاری یادا سالیب  آغلاسین
یامان گئتدی الیمیزدن شهریار
ایندی ده آتاسیز قالیب بو دییار


حیدر بابا قارا کوینک گئیبسن
قوجالیبسان الیف قددی ایبسن
اوخشایبسان بالا لای لای دئیبسن
شهریار سارینان باشون ساغ اولسون
شهریار آناسی اوزون   آغ اولسون