هیچ که‌س وێنه‌ی من خوا ، داماونه‌بێ

هیچ که‌س وێنه‌ی من خوا ، داماونه‌بێ
فرمێسکی چاوی جۆگه‌ی ئاو نه‌بێ
دڵی وه‌ک کوره‌ی زه‌رِ به‌ تاو نه‌بێ
له‌ ده‌س دڵداری دڵشکاو نه‌بێ
جه‌رگ و ده‌روونی هه‌ڵقرچاو نه‌بێ
عاشقی ڵیو و کۆڵم و چاو نه‌بێ
گیرۆده‌ی پرچ و قژی خاو نه‌بێ
ته‌وقی عه‌شق له‌ مل کراو نه‌بێ
مه‌عشوقی جه‌فای له‌ لا باونه‌بێ
به‌ هۆی دڵداری وا به‌د ناو نه‌بێ
به‌ به‌د ناو ناوم زرِا له‌شاران
هه‌ی داد ته‌دبیرێ، په‌ی دڵ دڵداران
داماوی ده‌سی یاری بێ وه‌فام
مه‌جنون بۆ له‌یلا چۆن بوو منیش وام
فه‌رهاد ناگا پێم له‌ دین و مه‌رام
بۆ عه‌شق ئه‌م دنیام له‌ خۆم کرد حه‌رام
که‌چی عه‌شقه‌که‌م نه‌گه‌ییه‌ ئه‌نجام
دڵشکاو ترین عاشقی دنیام
ئاگری دووری به‌ربوو تێم سووتیام
خوا خۆی ئه‌زانێ ، تائێسته‌ چۆن مام
بۆگه‌رِانه‌وه‌ی هێشتا به‌ ته‌مام
یه‌عنی جارێ تر ئه‌و دێته‌وه‌ لام؟؟!!!
هاتنی مه‌حاڵ لای من خه‌یاڵه‌
خه‌یاڵ درۆیه‌ و هاتن مه‌حاڵه‌.
تایفه‌ی عاشقان هۆزی دڵداران
دڵشکاوانی گۆشه‌و که‌ناران
هه‌ڵۆی سه‌رشاخان، که‌وی بناران
ئاواره‌ی وه‌ته‌ن غه‌ریبی شاران
حه‌کیمی به‌غدا، دکتۆری تاران
ساحیبانی باغ به‌ی و هه‌ناران
فه‌رمانده‌ی عوشاق، زانیاری تاران
حه‌بیبان دڵ، نۆشدارو داران
په‌ی تیماری دڵ ، عیلاجێ یاران
با به‌س برِێژێ ، فرمێسک وه‌ک باران
زامی دڵ عیلاج بکه‌ن به‌ جۆرێ
زامم وای لێهات هه‌وی لێ چۆرِێ.