بیو بارون دلم گُل زد،وَ دهسِ کار یی دنیا

بیو بارون دلم گُل زد،وَ دهسِ کار یی دنیا
بیو بارون کویری سر وَ تا پا خار یی دنیا

همش گفتن بهار ایبو گلسّون ایکُنن ماله
خشی نیدیم و بد دیدیم و هی آزار یی دنیا

دَری نی تا که واز آوو که شاید غصه دیر آوو
وَ هر جا سِی کُنی پُر غصه و دیوار یی دنیا

بیو بارون،بُر و بُنجِ بیابون خشک آویده
نباری هم خوت ایبینی که کارش زار یی دنیا

بد آویدن همِی مردُم وُ مِن جونِ یَک افتادن
وَ جونِ هر که غم دارهِ طنابِ دار یی دنیا
سرگشته