اولدوز سایاراق گؤزله میشم هر گئجه یاری

اولدوز سایاراق گؤزله میشم هر گئجه یاری
گئج گلمه ده دیر یار یئنه اولموش گئجه یاری
گؤزلر آسیلی یوخ نه قارالتی نه ده بیر س
باتمیش قولاغیم گؤر نه دؤشورمكده دی داری
بیر قوش ‹آییغام› سؤیله یه رك گاهدان اییلده ر
گاهدان دا اونو یئل دئیه لای لای هوش آپاری
یاتمیش هامی بیر آللاه اویاقدیر داها بیر من
مندن آشاغی كیمسه یوخ اوندان دا یوخاری
قورخوم بودو یار گلمه یه بیردن یاریلا صبح
باغریم یاریلیر صبحوم آچیلما سنی تاری !