اولدوز سایاراق گوزلمیشم هر گئجه یاری

اولدوز سایاراق گوزلمیشم هر گئجه یاری
گج گلمه دیر یار یئنه اولموش گئجه یاری


گوزلر آسیلی یوخ نه قارالتی نه ده بیر سس
باتمیش قوغلاریم گور نه دوشور مکده دی داری


بیر قوش آییغام سویلیه رک گاهدان اییلده ر
گاهدان اونودا یئل دئیه لای لای هوش آپاری


یاتمیش هامی بیر آللاه اویاقدیر داها بیر من
منده آشاغی کیمسه یوخ اوندان دا یوخاری


قورخورم بودی یار گلمه یه بیردنه یاریلا صبح
باغریم یاریلار صبحدم آچیلما سنی تاری


دان اولدوزی ایسته ر چیخا گوز یالواری چیخما
او چیخماسادا اولدوزو مون یوخدی چیخاری


گلمز تانیرام بختیمی ایندی آغارار صبح
قاش بیله آغاردیقجا داها باش دا آغاری


عشقین کی قراریندا وفا اولمیاجاقمیش
بیلمم کی طبعیت نیه قویموش بو قراری ؟