دلم تنگه بنستونه دلم تنگه گداره

دلم تنگه بنستونه دلم تنگه گداره
اسیر بال پرزینه گرفتار شواره

بیو دی وستم اِز زونی، دلم هیرد و تلویه
دلم صحوون برافتویه، پسینون رو کلویه

نیا دی باز منگشتی، که کوگونِ کلا برد
دلم سی پازنون خینه، که قوچونَ بلا برد

دلم تنگه دلم تنگه، دلم تنگه کلوسه
دلم هر جا که پا اینه غمت زی تر جلوسه

دل مو چی برفه، تیا تو چی افتو
ایکنه تیغشتت، برفا دلمه اَو

ز یک سوا مندیم تا وابیدیم تهنا
دستت بده دستم، تا واریستیم وا پا

دلم رهده، دلم ویده، ملارم بر دو چویه (***)
خدا دونا بدست تو، دلم چی مشک دویه

دلم تنگه گلا سهره، دلم خینه چویله
تش منِ استخونم هیوه دار ناشلیله