ﺩِﻟُﻢ ﺍِﺷﮑَﻨﺪﻩ ﺍﯼ ﺭﻭﺯﮔﺎﺭِﻩ
ﭼُﻮﻧُﻮ ﺍِﺷﮑَﺴﺘِﻪ ﮐﻪ ﺩﯼ ﺗﻮ ﻧَﺪﺍﺭِﻩ
ﺑَﺴﯿﮑﻪ ﺁﺭِﻣُﻮﻧﺎﺱ ﺭَﻩ ﺑِﮑﻮﺭﯼ
ﮔِﻤﻮﻧُﻢ ﻭﺍ ﮐَﺴﯽ ﺩﯼ ﺳﺎﺯ ﻧَﯿﺎﺭِﻩ
ﺑَﺴﯿﮑِﻪ ﺧَﺴﺘﻪ ﺍﺯ ﺩﻭﺵ ﻭ ﭘَﺮﯾﺮُﻡ
ﻧُﻮﻡِ ﺧُﻮﻡ ﻫَﻢ ﺩﯾﻪ ﺭَﻫﺪِﻩ ﺯِ ﻭﯾﺮُﻡ
ﭼُﻮﻧُﻮ ﺑﯽ ﻫُﻤﺪُﺭُﻧﮕﯽ ﺗَﻬﻞ ﻭ ﻟﯿﺸﻪ
ﮐِﻪ ﺍﯾﮕﻮﯼ ﺣﺎﺭِ ﻏَﺶِ ﺣُﺸﮏِ ﮐَﻮﯾﺮُﻡ
ﻧَﯿُﻔﺘﺎ ﺩﯼ ﺗﯿُﻮﻡ ﺑِﺖ ﺍِﯼ ﺯَﻣﻮﻧَﻪ
ﭼﻪ ﺩﯾﺪُﻡ ﻏﯿﺮ ﻏَﻢ ﺯِﺕ ﺍِﯼ ﺯَﻣﻮﻧَﻪ
ﭼﻪ ﮐِﺮﺩﯼ ﮐﻪ ﺷُﻮ ﻭ ﺭُﻭ ﺧُﻮ ﻧَﺪﺍﺭِﻥ
ﮔِﺮِﻓﮕﺎﺭﻭﻥِ ﺩَﺭﺩِﺕ ﺍِﯼ ﺯَﻣﻮﻧَﻪ
ﺑِﻨِﻪ ﺩُﻧﯿﺎ ﭼِﻄُﻮ ﺩَﻧﮓ ﺍﯾﺪِﺭﺍﺭِﻩ
ﺧُﻮﻥِ ﻫَﺮ ﺭُﻭ ﺑِﻪ ﯾِﻪ ﺭَﻧﮓ ﺍﯾﺪِﺭﺍﺭِﻩ
ﺳَﺮِ ﻧﺎﺳﺎﺯﮔﺎﺭﯼ ﺩﺍﺭِﻩ ﻭﺍ ﻣﻮﻥ
ﻭُﻻ ﺧﯿﻦ ﺯِ ﺩِﻝِ ﺳﻨﮓ ﺍﯾﺪِﺭﺍﺭِﻩ
ﭘَﺮﯾﺸﻮﻧُﻢ ﭘَﺮﯾﺸﻮﻥِ ﺍِﺯ ﺯَﻣﻮﻧَﻪ
ﺗَﺸﯽ ﺍﻭﻓﺘﺎ ﻣِﻦِ ﺟﻮﻥِ ﺯَﻣﻮﻧَﻪ
ﻧَﺪﯾﺪِﻩ ﻫﯿﭻ ﮐَﺴﯽ ﺯِﺱ ﻣِﻬﺮَﻭُﻭﻧﯽ
ﻫَﻮﺍﺭ ﺍِﺯ ﭼَﻨﮓُ ﺩَﻧﺪﻭﻥِ ﺯَﻣﻮﻧَﻪ
ﻭُﻻ ﺩﯼ ﮐُﻪ ﮔِﺮِﻡِ ﺍِﺯ ﮐﺎﺭ ﺩﻧﯿﺎ
ﮐَﺪُﻡ ﺧﯿﺮﺩِﻩ ﺑﻪ ﺯﯾﺮ ﺑﺎﺭ ﺩﻧﯿﺎ
ﻧَﺪﺍﺭﻩ ﭼِﺸﻢُ ﺭﯼ ﻭﺍ ﺁﺩﻣﯿﺰﺍﺩ
ﺑِﺪﺳﺖِ ﮐﯿﻦِ ﻧَﻢ ﺍَﻭﺳﺎﺭِ ﺩﻧﯿﺎ