درد یعنی ایل بالا مِن خشی بو روز و شو

درد یعنی ایل بالا مِن خشی بو روز و شو
ایل دومن غصه و چالِی تشی بو روز شو

درد یعنی کُر وُ دوتَر تن فروشی ایکنه
او که اوبالا نشهسهِ هم چَشی بو روز و شو

برده داری وَر نَیُفتا دهس بالا تا ابد
دومِنِی خِر واخِرَک بردهِ کَشی بو روز و شو

هر کسی لوو تَر کُنهِ بُی بند دار ایوَرکَشِن
بی خَوَر هِی مِن خفا لاشهِ لَشی بو روز و شو

درد یعنی دیگ بهتر بو وَ اُمروز و صَوات
غصِّیَل هی مِی سپاه و ارتشی بو روز و شو
سرگشته
#سهراب_عرب_زاده