عکس دادا بیلوردی

يارين اوزونو بو گئجه پيمانه ده گؤردوم
دونيا دولو شادليقلاري ميخانه ده گؤردوم
گزديم نگران چؤللري آخيرده قاييتديم
يورقون دوشه رك سئوگولومي خانه ده گؤردوم
چوخلاري اؤزون شمعه مثال ائتدي ولي من
عشقين اودونا يانماغي پروانه ده گؤردوم
سانما كي بو ديوانه ليگين آزدي مقـامي
عقلين چيچه يين گلشن ِ ديوانه ده گـؤردوم
بو دونيا غمين كؤنلونه دولدورما دادا چوخ
ايچ باده كي من شَن ليگي ميخانه ده گؤردوم


دادا بیلوردی