‌

‌

سن یاریمین قاصدی سن، ایلن سنه چای دئمیشم
خیالینی گوندریب دیر، بس کی من آخ وای دمیشم

آخ گئجه لَر یاتمامیشام، من سنه لای لای دمیشم
سن یاتالی ، من گوزومه، اولدوزلاری سای دمیشم

هر کس سنه اولدوز دییه، اوزوم سنه آی دمیشم
سننن سورا ، حیاته من، شیرین دئسه ، زای دمیشم

هر گوزلدن بیر گول آلیب، سن گوزله پای دمیشم
سنین گون تک باتماغیوی، آی باتانا تای دمیشم

ایندی یایا قیش دئییرم، سابق قیشا ، یای دمیشم
گاه توییوی یاده سالیب، من دلی ، نای نای دمیشم

سونرا گئنه یاسه باتیب، آغلاری های های دمیشم
عمره سورن من قارا گون آخ دمیشم ، وای دمیشم

✍✍شهریار

‌‎‌‌‎‌