خدا اَر بِها حالِمِه خو بَکَه

خدا اَر بِها حالِمِه خو بَکَه
مَگَر جونِ مِه وا تو وانو بَکَه

چِنو حالِ مِه حالِ بی حالیَه
کِه ای دِل فقط وا بلا مالیَه

چِنو غَم بیَه دس بِرارِ دِلِم
وِ میراتِ مِه غم بیه حاصِلِم

بیا تَش دِ خاکِسترم هَم بنَی
وِ پیمونه جونم هَنی غَم بنی

خدا هَم پریشُو بیَه سی چَشِم
دِلش تنگَه کِه ایقه مینِ تَشِم

همَش آو دِ لیزِ دو چشِ مِنَه
دِ قسمَت،تگر بارُونی وِم دَنَه

دِ قسمَت فقط وَشتی ها دِ وَرِم
لَفاوی هَمَش ها دِ بَختِ تَرِم