به حاڵی کورد '

به حاڵی کورد '
فه‌له‌ک حه‌یران ده‌بینم
ژیانی کورد
وه‌کوو زیندان ده‌بینم
هه‌موو دنیا
خه‌ریکی که‌یفی خۆیان
به‌ڵام کورد بی که‌س و وه‌یلان ده‌بینم
هه‌تاومان تا به‌که‌ی خامووش و سه‌رده
هه‌تا که‌ی ئه‌م گه‌له
ناڵان ده‌بینم
مناڵانی جیهان سه‌رگه‌رمی کایه ن
مناڵی کورد
هیلاکی نان ده‌بینم
له‌ سه‌ر گۆڕی شه‌هیدی خاک و گه‌‌ل دا
کچه کوردێک له سه‌ر ‌
جێژوان ده بینم
له خوێنی سووری لاوی نیشتیمانم
سه‌راسه‌ر کورده‌واری جوان ده‌بینم
وه‌کوو زه‌رده گه‌ڵایێک وا له سه‌ر ئاو
گه‌لی کورد وێڵ و سه‌رگه‌ردان ده‌بینم
ئیتر ناگاته گوێم ئاهه‌نگی شادی
بۆ هه‌ر لایێک ده‌ڕۆم گریان ده‌بینم
دڵم ته‌نگ و سه‌رم شێت و له‌شم سه‌رد
که ده‌ردی کورد به‌ بێ ده‌رمان ده‌بینم
به‌سه‌رهاتی
گه‌لی کوردان له مێژو
چیرۆکی ئاگر و خه‌رمان ده‌بینم
به حاڵی کورد و خاکی کورده‌واری
دڵی هیوا وه‌ها بریان ده‌بینم

مامۆستا قانع
@zhyanzhana