نا رفیقی یه پسین دهس مونهِ وِل که وُ ره

نا رفیقی یه پسین دهس مونهِ وِل که وُ ره
پشت خوش قلبمه بُی خنده وَ زِر گِل که وُ ره

تا نبینم که چطو ایره وَ دهسُم تِیَلِش
سنگه یی چشمه زد و عشقشه او شِل که وُ ره

تا که دی پشته سرش ناله وَ دل ایده دِلُم
طعنه زه،خندس و سیلی نه وَ بُی دل که وُ ره

مِن جَبینِش که نبی دهس وَ ما ایبُره او
آخرش خاطِرَشه سر دله ما تِل که وُ ره

بعد خوش مانه کسی پَس یه کِری نِیده دَ شاد
بُی غریبی یه شُویی خنده وُ کِل کِل که وُ ره
سرگشته
#سهراب_عرب_زاده