گئتمه ترسا بالاسی من ده سنه دایه گلیم

گئتمه ترسا بالاسی من ده سنه دایه گلیم
ال قا تا ندا سنه مشاطه، تماشایه گلیم
سن بو مهتاب گئجسه سی سیره چیخان بیر سرو اول
اذن وئر، منده دالو نجا سورو نوب سایه گلیم
منه ده باخدین اوشهلا گوزوله ،من قارا گون
جرئتیم المادی بیر کلمه تمنایه گلیم
من جهنم ده باش یاسدیقا قویسام سنیله
هیچ آییلمام کی دوروب جنت ماوایه گلیم
ننه قارنیندادا سنله اکیز اولسایدیم اگر
ایسته مزدیم دوغولوب بیرده بو دنیایه گلیم
سن یاتیب جنتی رویاده گورنده گئجه لر
منده جنده قوش اوللام، کی او رویایه گلیم
قیتلیغ ایللر ،یاغشی تک قورویوب گوز یاشیمیز
کوی عشقونده گرک بیرده مصلایه گلیم
سنده صحرایه مارالار کیمی بیر چیخ ،نولی کی
منده بیر صیده چیخا نلار کیمی صحرایه گلیم
آلاهوندان سن اگر قورخمیوب، اولسان ترسا
قورخورام من ده دونوب دین مسیحایه گلیم
شیخ صنعان کیمی دو نقوز اوتاریب ایللر جه
سنی بیر گورمک ایچون معبد ترسایه گلیم
یوخ صنم آنلامادیم، آنلامادیم ،حاشا من
بوراخیم مسجدیمی ،سنله کلیسایه گلیم!
گل چیخاق طور تجلایه، سن اول جلوه ی طور
من ده موسی کیمی ،او،طور تجلایه گلیم