صدا سوزِ آهی دِ‌ سینَم میا

صدا سوزِ آهی دِ‌ سینَم میا
خُدایا هَنی دَرد دوردی نیا
دِلِم کُت کُتُ سرد وُ بی جو مَنَه
مِنی وِش سَگِ هار هِشکو دَنَه
خُدایی تو یِه گِر فِراموش کو
خُدایا تو کوشِ خُدا گوش کو
بَشی جفتِم اِمشو کِه چی یَک تَکیم
دِ بُن بی کَسی مو دِ لونِ یَکیم
بَشی تِه مِه تا وا تو تِه تو بَکِم
چَن اسبی کوئی دردِ وا نو بَکِم
دِ غم وِت بوئم تا کِه آوئِت بَکِم
بَشی ته مِه تا خو خِراوئِت بَکِم