رگامون پُر زِ خینِ ﻛـﻮﺭﻭﺵِ ﺍَﺭ

رگامون پُر زِ خینِ ﻛـﻮﺭﻭﺵِ ﺍَﺭ
دلی صاﻑ و وجودی ﭘﺎﻙ ﺩﺍﺭیم

مُوﻥ ﻭ ﺗﻮ چی ﺩِﺭﻫﺪﯼ ﺳﺮﺑﻠﻨﺪﻳﻢ
ﻣُﻮﻥ ﻭ ﺗﻮ ﺭﻳﺸﻪ ﺑﻪ ﺍی ﺧﺎﻙ ﺩﺍﺭﻳﻢ

ﺭﮔﺎﻣﻮﻥ ﭘُﺮ ﺯ خینِ ﻛﻮﺭﻭﺵِ ﺍَﺭ
ﺯ ﺷﻮﮔﺎﺭ ﻭ ﺳﻴﺎهی ﻫﺎ ﺟﺪﺍﺋﻴﻢ

نسَب ﺩﺍﺭﻳﻢ ﺯ ﻣَﻪ ﻭ ﺁﺳﺘﺎﺭﻩ
ﺯ ﻧﺴﻞ ﺳـﺮﻓــﺮﺍﺯ ﺁﺭﻳـــﺎﺋـﻴﻢ

*******
تشِ ﺯﺭﺗﺸﺖ ﻣﻴﻨﻪ ﺟﻮﻧﻤﻮﻧﻪ
ﺍَیر ﺍﻳﻤﺎ چی ﺍَﻓﺘﻮ ﻣﻬﺮﻭﻧﻴﻢ

ﺧﺪﺍ ﺍیخوﺍﺳﺖ ﺍﻳﻤﺎ ﭘﺎﻙ ﻭﺍ ﺑﻮﻳﻢ
ﻣُﻮﻥ ﻭ ﺗﻮ ﺧﻮﺭﺯﻣﺎﺭ ﺁسمونیم

ﺯ ﻫﻢ ﺭﻭﺯی ﻛﻪ ﺍﺳﻢ ﭘﺎﻙ ﺍﻳــﺮﺍﻥ
ﻣﻨﻪ ﺗﺎﺭیخ ﺍِﻭِی ﺑﻴﺪﻳﻢ ﺍﻳﻤﺎ

ﮔﻤﻮﻧﻢ ﮔﻮﻳﻞ ﺧُﻮﻡ ﻫﻢ ﻧﺪﻭﻧﻦ
ﻛﻪ ﻫـﻤﺪُﺍ تخت ﺟﻤﺸﻴﺪﻳﻢ ﺍﻳﻤﺎ

*******
ﭖَ سی ﺑﻪ ﺁﺳﻤﻮﻥ بخت ﺍﻳﻠُﻢ
ﻧﻴﺎهه مَه ﻭ ﺍَﻓﺘﻮ ﻭادیاری

ﺩﻟﻢ ﻧﻴﺨﻮ ﺑﮕُﻢ ﺍﻣﺎ ﺧﺪﺍﻳﺎ
ﻛﻮﺟﻪ ﺭﻫﺪ ﺍﻋﺘﺒﺎﺭ ﺑﺨـﺘـﻴﺎﺭﯼ

ﻛﻮﺟﻪ ﺭﻫﺪﻥ ﺩﻻﻭﺭ ﭘﻴﺎیلی ﻛﻪ
سی ﻧﺎﺩﺭ ﺷﺎﻩ ﺍﺟﺴﺘﻦ ﺭﻩ ﻭ ﭼﺎﺭﻩ

ﻛﻮﺟﻪ ﺭﻫﺪﻥ ﺳﻮﺍﺭﻭنی ﻛﻪ چی ﺷﻴﺮ
ﺑﻪ ﻳﻪ شوخی گرﻫـﺪﻥ ﻗﻨﺪﻫﺎﺭﻩ

*******
چی ﻛﻮگی ﺳﺮ ﺑﻪ ﻣﻴﻨﻪ ﺑﺮﻑ ﻛﺮﺩﻳﻢ
ﻣﻮﻥ ﻭ ﺗﻮ بی ﺧﻮﺭ ﺯی ﺭﻭزگاﺭﻳﻢ

ﺑﻬﻮﻧﺎﻣﻮﻧﻪ ﺩﺷﻤﻦ سُهد ﻭ ﺍﻳﻤﺎ
هنی ﺩﺭﮔﻴﺮ جنگ ﻫﻔﺖ ﻭ ﭼﺎﺭﻳﻢ

ﺑﻪ ﺧﻮﺯﺳﺘﻮﻥ ﻭ ﺑﻪ ﻣﺴﺠﺪ ﺳﻠﻴﻤﻮﻥ
ﻧﺸﺴﺘﻪ ﻭُﺭ ﺳﺮ ﺩﺭﻳﺎی ﻧﻔﺘﻴﻢ

ﻫﻤﻪ ﺳﺮﻣﺎﻳﻪ ﺩﺍﺭ ﺍﻳﺒﻮﻥ ﻭ ﺍﻳﻤﺎ
هنی ﺳﺮﮔﺮﻡ ﺟﻨﮓ ﭼﺎﺭ ﻭ ﻫﻔﺘﻴﻢ

*******
ﭼﻨﻮ ﺷﻮﮔﺎﺭ ﺷَﻪ ﺍﻳﻞ ﮔﺮﻫﺪ ﻛﻪ
ﺍﻣﻴـﺪ ﻭﻳﺪﻥ ﺍﻓﺘﻮ ﻧﻤـﻨﺪﻩ

ﺷﻐﺎﻟﻮﻥ زیدﻧﻪ ﺷﻮخی ﺑﻪ ﺍﻳﻞ ﻭ
ﺑﻪ ﺩﺳﺖ ﮔﻮﻳﻠﻢ ﺑﺮﻧﻮ ﻧﻤﻨﺪﻩ

ﻧﺪﻭﻧﻢ ﻣﻮ ﻛﻪ ﺩﺳﺖ ﻛﺎﻓﺮِ کی
ﺩِرَهدِ ﺍﻳﻠﻤـﻪ ﺯ ﺑﻴﺦ ﻭﻧﺪﻩ

ﻧﺪﻭﻧﻢ کی ﺑﻴﺪﻩ ﺍﻭ ﺁﻟﺒﺮﺩﻩ
ﻛﻪ اﺳﻤﺎﻣﻮﻧﻪ ﺯ ﺗﺎریخ ﻭﻧﺪﻩ