هی دزی دزی سیلت ایکردم

هی مو زِر تیه ی سیلت ایکردُم
بُردی تو وَ ته هوش و حواسُم

ما بینِ شلالل وُ ملوسل
ای یار وَ خدا مو تونه خواسُم



سیل کردی وُ سیلِ تو کلوم که
عاشق آویدُم وُ مهسِ مَهسِت

زنده ایکنی مرده وُ بی جون
ای مو قربونِ گرمیِ دهست



ایسو دلِ مو زخمیِ عشقه
هِی زَه وَ دلُم عشقِ تو خنجر

نونم چه کسی بختمه بهسه
افتامه وَ پِی قلبِ تو کافر

هی دزی دزی سیل تو کردم
از دیر مو هی کیلت ایکردم
نونم که حواست بی یا نه
چی جام شراب میلت ایکردم

شاعر:سهراب عرب زاده
خواننده:هومن اسماعیلی
#سهراب_عرب_زاده
#سهراب_عربزاده
#سهراب_سرگشته
#sohrabarabzadeh
#sohrab_arabzadeh