وه من ئینسانیکم

وه من ئینسانیکم

له ئه و په ڕی دوایین سنووری ژیانه وه

هاتووم هه تا

 حه قێقه تێک بدرکێنم

هاتووم

 په رده له سه ر عه شقێکی نهێنی لاده م

هاتووم بڵێم :

له سه ره تای  رۆژی خیلقه ت

 له سه ر قامکی پامه وه  راوستام و

له په نجه ره یێکی قوڕاوییه وه بۆ نێو روانیم و

په یم به ئه وینداری خودا برد

هاتووم بڵێم :

له ده رفه تێک

مشتێک ئه وینم له  یه غانی خودا دزی و

 ئه ویندار بووم

هاتووم بڵێم :

من ئه و گوله گه نمه م نه خوارد

من  شه یتانێک  ناناسم

من خۆم ئه و گوڵه م  که نده وه و

بۆ پێشکه شی دام به  حه ووا

به هه شتم به بڕیاری خۆم به جێ هێشت

کاتێ که په یم به چاوبازی و ئه وینداری فریشته کان برد

داری به هه شتم بڕی و

قاڵدرمه یێکم لێ ساز کرد

په نجه  له نێو  په نجه ی حه ووا

به زریکه زریک و پێکه نین

به ره و نێو ئه م خاکه رویشتین

بۆیه وا مه حکومیان کردین

ده یان یاسایان بۆ دانام و

گوتیان پێم

به ر له ئازار

یا ئه وین بده مه وه به هه شت

یاکۆ ده مکه ن به ئێزنگ

بۆ سووتاندن فریشته کانی زیناکار