بنووسن له‌ بان سه‌نگی مه‌زارم

بنووسن له‌ بان سه‌نگی مه‌زارم
کوردستان بۆ تۆ گریانه‌ کارم
تا که‌ی چه‌وساوه‌، تا که‌ی هه‌ژاری
تا که‌ی ژێر ده‌سه‌، تا که‌ی داماوی
کوردستان بۆ تۆ جه‌سته‌م زه‌بوونه‌
بۆ ڕۆڵه‌کانت چاوم پڕ خوێنه‌
دڵم چوار له‌ته‌ له‌ ده‌روونمه‌وه‌
بۆ چوارپارچه‌که‌ت ده‌هۆنرێمه‌وه‌
له‌ داخ و ده‌ردا هۆشم نه‌ماوه‌
کوردستان بۆ تۆ جه‌رگم بڕاوه‌
هه‌ر خۆم به‌ قوربان له‌ت له‌ت بوونه‌که‌ت
له‌ هه‌ر چوارپارچه‌ زۆڵم و زۆره‌که‌ت
هه‌ر خۆم به‌ قوربان به‌رزی ناوه‌که‌ت
سوور و زه‌رد و سه‌وز ئاڵا جوانه‌که‌ت
تیشکی په‌ڕپه‌ڕی خۆره‌تاوه‌که‌ت
بیس و یه‌ک شۆڵه‌ی پڕشه‌راره‌که‌ت
هه‌ر له‌ سنه و هه‌تا کۆبانی
هه‌ر خۆم به‌قوربان شاخ و کێوانی
شێره‌کجانی کۆبانی نه‌به‌ز
ئێوه‌ن نه‌ته‌وه‌ی کوردانی سه‌ربه‌رز
به‌ ناو ئیسلامه‌و خوێنمان ئه‌ڕژنن
به‌ ناو دینداری وا سه‌رمان ئه‌بڕنآ
ئه‌نفال کراوین تا ڕۆژی په‌سڵان
به‌ڵام هه‌ر ماوین بۆ کوێری چاویان
چونکه‌ کوردستان جێگه‌ی کوردانه‌
جێگه‌ی شێرانه‌ له‌ ڕووی زه‌مانه‌
یاخوا کوردستان هه‌ر پایه‌دار بی
له‌ ده‌رد و ئازار هه‌رده‌م ڕزگار بی