شعر بختیاری مادر ( دا

شعر بختیاری مادر ( دا
خدا دُونه دل و جونِ مُو دامِه
دَوا دَردا و دَرمونِ مُو دامِه

جَووُنیته تو نادیه به پا مُو
همیشه تو خُوته زیدی به جا مُو

مُو دیدُم که شُو و رُو هی بیاری
ایسوسی و به دُورم پیت ایاری

تو قَلبت چی بُهُونی پُر ز غم بی
همه دنیا به سی جایِ تو کم بی

دل و جُون اَر بخوهی سیت اریزم
که ناقاوِل دل و جُون تیت عزیزم

صدای تو نَوایِ دی بَلاله
دَوایِ ایله و کُوگِ مَستِ ماله

بِهشتینه که نادِن زیرِ پا تو
ز اوّل جا گِرهده زیرِ سا تو
مُو عاشق ، عاشقِ بَندِ پَلاتُم
به زیرِ سات و هر جا ری واباتُم

مُو مَستُم وا تو بیدن آرزومه
گُلی از ری تو چیدِن آرزومه

مَوادا که بیاهه دَردِ دیری
ایمیرم سی تو دایَه تا نمیری

وُری دایه تَمومِ عُمر و جُونم
تُونی باغِ گُل و عشق و کَسُونُم

دل و جُونت همیشه شاد بُوهه
تَنِت سالم ز دَرد آزاد بُوهه

شعر از حجت تختایی