هام دِ خیالِ دینِت روزِ سفر نِمیرسه

هام دِ خیالِ دینِت روزِ سفر نِمیرسه
سی دِلِ پُر دِ داغِ مِ د تو خَوَر نِمیرسه
ایسه هزار ساله که مِ بیمَ اسیرِ شوِ غَم
تا نَرَسی دِ آسِمو وقت سحر نِمیرسه
بی تو دِ شهرِ عاشقی هر شو گِریوه کارمه
ای نال ناله بی کسی و تو مگر نمیرِسه
گَر گریته سِخونِ مِ پوسِسه ریشه جونِ مِ
سی دار حشک بی ثمر اور ی پَکَر نِمیرسه
بهار سوزِ آرزو چَش انتظارم اَر بیاییی
و شاخه یا حَشک دِلِم دَس تبر نِمیرسه