خاتوونه‌که‌م !

خاتوونه‌که‌م !
له‌وانه‌یه‌ تۆش خه‌ونه‌کانت ،
له‌ ته‌مه‌نی مندالی دا ڵێ ون بووبێ
که‌ به‌ داکردنی باران ،
فرمێسکه‌کانت شۆر ده‌بنه‌وه‌؟
تۆش ده‌بێ له‌و هه‌مووه‌ ته‌رزه‌یه‌ بێزار بی
که‌ شکۆفه‌کانی به‌خته‌وری به‌ تاڵان ده‌به‌ن
تۆ ده‌زانی :
بۆچی ئێمه‌ ترسمان هه‌یه‌
له‌ ڕووناکایی جیهاندا پیاسه‌ بکه‌ین؟
'' با ''بۆچی له‌ توێی شکۆفه‌کانی دار گێلاسیش دا
باڵی په‌پووله‌کان ده‌له‌رێنێته‌وه‌؟
بۆچی به‌هاریش دێت و ده‌روات
لێ بالاپۆشت له‌ ره‌نگی ئه‌م وه‌رزه‌ نێ؟
بۆچی یه‌ک ڕۆژمێڕی پاییزی له‌ م جیهانه‌دا په‌یدا نابێ
که‌ چی هه‌ر شاعیره‌ی ڕۆژمێری خۆی هه‌یه‌؟
که‌وابوو مـــنیش نیگه‌رانت نابم ،
ســـــــــه‌باره‌ت به‌ بارانێک
که‌ نمـــه‌ نمــــه‌ دا ده‌بارێ...
ئاســــۆ
#کورد
#کوردستان