وه‌فایی

وه‌فایی
ده‌مێک ساقی ده‌مت بێنه‌ ده‌خیلی چاوه‌کانت بم

به‌ جامێک ده‌ستی من بگره‌ فه‌دای پیری موغانت بم

له‌ دوو لا مه‌ست و حه‌یرانم به‌ قووه‌ی جه‌زبه‌ نازانم

نه‌ سه‌رگه‌ردی سه‌ر و گه‌رده‌ن ، نه‌ قوربانی له‌بانت بم

چ خۆشه‌ وه‌جدی سه‌رو و گوڵ به‌ دینی قومری و بولبول

ده‌مێک شه‌یدای قه‌د و باڵات ده‌مێک شێتی ده‌هانت بم

له‌ نیشانه‌ی په‌ڕی جه‌رگم نه‌وه‌ستا تا نه‌گه‌ییه‌ دڵ

به‌ قوربانی خه‌ده‌نگی ده‌ست و بازووی چاوه‌کانت بم

شیفای دام غه‌مزه‌که‌ی چاوت که‌ وا خوێنی دڵی گرتم

به‌ قوربانی موداوایی حه‌کیمی حاڵزانت بم

به‌ بێ ئیمدادی خاڵی گه‌ردنت ده‌ردم شیفایی نایه‌

مه‌گه‌ر بێم ده‌ست و دامانی گه‌لاوێژی به‌یانت بم

له‌ وه‌سڵی ڕوویی تۆی کردم  حیجابی پێچشی زوڵفت

هه‌ تا که‌ی دڵ‌شکه‌سته‌ی ده‌رد و ته‌عنه‌ی باغه‌بانت بم؟

موقیمی خاکی ده‌رگای تۆ حه‌ریمی جه‌ننه‌ته‌ جێگای

له‌ لوتفی تۆ چ که‌م نابێ منیش ڕیزه‌ی سه‌گانت بم

به‌ زوڵفی پڕ له‌ هاواری دڵان که‌وتووم ده‌سا ڕوحمێ

ئه‌مان سه‌رقافڵه‌چی قوربانی زه‌نگی کاروانت بم

له‌وی ڕۆژێ که‌ ڕووت وا کرد و لێت پرسیم هه‌تا مردم

به‌ بۆی جه‌ننه‌ت ده‌بێ من هه‌ر له