شو تا صو های د خیالم

شو تا صو های د خیــالم

صو تا شو ویــرت میکم

خوم میـام تا و نِـزیکت

خوم د خوم دیــرت میکم

تَشِ تیـــــره سِـــیلته

ســوخته دل زاره منه

تَشِ ایی ســوخته دِله

وا سیل چش تیرت میکم

مه چَشِم سیره د دنیا

عشـق تو ها د سَـرِم

اَر دلت عشـقمه میها

چَشِ دل سیـرت میکم

اَر بیـای وا مه بمـونی

جو مِیـرِم جِوو موئِـم

اَر بیـام وا تو بمـونم

خوم دونم پیـرت میکم

شیوِسـه و روزگـارم

شــو و روزم یکــیه

درگیره عشـق تو بیمه

عشـقه درگیـرت میکم

خوت دونی دردم گرونه

خنه داره حال و روزم

میرسه آخــِر یه روزی

درده واگیــرت میکم