پير چنگي مراغه استاد بيوك شكورزاده مراغه دار فاني را وداع

پير چنگي مراغه استاد بيوك شكورزاده مراغه دار فاني را وداع گفت

بؤیوک آغا آدی کیمی بؤیوک یاشایان، تاریخه قوووشان، اونودولماز بیریسی ایدی. هارای دولو اورکله بیر عؤمور سسیز - سمیرسیز نیسگیللی یاشاییب سیرر دولو عؤمورونو شهریمیزین کوچه - خیاوانلاریندا سوردو. آدلیم اولسایدی دا آدسیز یاشاماغی اوستون گؤروب اؤتدو. تانیلماغا اؤنم وئرمه سه ایدی ده تانیانلار اونو تانیدی. آنجاق اونونلا تاری آراسیندا نلر کئچدی یینی یالنیز بیلنلر بیلنی بیلدی! زامان قاریندان آغاران باشی ، قوجالان یاشی ، بارماقلاریندان سوزولن نغمه لر یادداشی و اوره یینین گوزگوسو اولان یورقون گؤزونون قیزارتیسی بیر گئرچک انسان عؤمرونون سیمگه سی اولدو. آدینا یاراشان بؤیوک آغامیز ابدیته دک آدینلا چکیلن شهریمیز سنی اونوتمایاجاق. اویانیشسیز سونسوز یوخویا جومدون ، یات بلکه یورقون جانین دینجلسین. آیاقلارین گزمکدن یورولسا دا نغمه لر قانادیندا گؤیلره یوکسه لیب دیللر ازبری اولاجاقسان. کؤورک روحون جنت آدلی کؤنول آچیب اورک اوخشایان صفالی یاشیللیقلاردا گزیشسین.