🔮 علامه لر دیاری

✍️ به قلم: محمد حسین غلامی سرای


قلم ایستیر یغا عرشین داغیلان خامه لرینن
یازا بو کوی و دیارین بویوگ علامه لرینن
گینه دریانی ملک لر توکلَر جامه لرینن
آچیلان صفحه لر اوسده گینه شعری ائده جاری
چکه امواجی خروشه قلمین یوخدی قراری
وطنیم داغلاری بیر بیر باش آغاردیب اوجالیبدور
نه دماوند و سهندی ، سبلان تک قوجالیبدور
ولی علمیله فلک دن سواوشارکن باج آلیبدور
قازیلیبدور اوجا قالماق اوجا داغلار سینه سینده
یاشایش نغمه سی هردم اوجالیر غملی سسینده
بو دیارین نَفَخاتی سواوشوب عرش برینی
میشه ایستیر قلم اولسون یازا علامه امینی
آخا ایستیر گینه دریا توکه دامانه نگینی
ایچه عالم گینه ایستیر شرفین چشمه لرینن
جوشور علامه آچاندا شطِ عالم لر الینن
یاریلار تیره بلوتلار«الغدیر» آشسا دوداقین
مشعل حق و ولایت یانار ایلیبدی اوجاقین
اوپوری شاخه ی طوبی بو گولون قانلی دوداقین
گوی اونون باشینه گوللر سَپیب اولدوزلار الیردی
اوزونه جرعه ی کوثر اوزی مولا سپلیردی
قرن لر گوزلَدی دونیا گوره بیر ماه منیری
بیرنفر حیرته سالدی گینه ده چرخ اثیری
سیدی ساده و صادق آچیلان چشم بصیری
قلمین داشلارا ووردی بولونوب آی پارالاندی
او قلم له صف کفر و صف ایمان آرالاندی
چون که علامه ی سید شرح قرآنه دایاندی
اورگی عرشه یاپیشدی قلمی نوره بویاندی
ائله بیر صیحه اوجالدی هامی عالملر اویاندی
بئله غوّاص مفسر بشرین توتدی الینن
بولدی که اهل زمینین داغیلان اوتدی الینن
قلب عرفانیده قاضی یارانوب ایسدی قان اولسون
بو قان آخسین ملکوته سِچیلَن جانلارا دولسون
چوخ تلاش ایلدی شیطان بوگلستان گولی سولسون
برکتلی اتینَن داغیلوب بس که جواهر
اولاجاق تا که جهان وار اونون اولدوزلاری ظاهر
عالم کونیله امکان آچا گر پنجه شکاره
یارادانماز «جعفری » تک گینه علامه دوباره
سخن و شعر و کلامی نجه گور چکدی مهاره
جالاناردی ابدیت دوداقیننان دانیشاندا
شعله ی طور اوجالاردی اوجاغیننان دانیشاندا
شیر حقین کلماتین یازیسین شرح ائلینده
موج لار دالغا ووران لحظه دروب جامه گیینده
نه چکردی قلمینن ادب و عزتی بنده
روحی جسمینن اوچاردی دولاشاردی ملکوته
اوزمان که دوشویردی اورگین ذکر و قنوته
علما هاردا خطر وار دایانوب اول صف ده
باشی باشلاره قوشوبلار هامی بیر قانلی هدف ده
دین اگر ایسته سه بیرجان هامینون جانلاری کف ده
شهر علامه لر آیری آدی دا باغرا باسیبدی
قانلی محرابیده دینین علَمین عرشه آسیبدی
انقلابین اوجاغیننان «قاضی» اودلاری گوتوردی
امامین رایحه سینن بورونوب خلقه گتیردی
شعله لر داغلارا قاخدی گوهر حقی بیتیردی
اولین سید والا قانلی محرابه یخیلدی
باغرین آچدی اونا حیدر دلِ رضوانه سیخیلدی
شهر علامه لر اولدی «مدنی دن» گینه رخشان
بو وجودیله تلالوء ائلیور نوریله ایمان
کچه بولمز پل عرشی دییسَن بیر بئله انسان؟
یانوب مقتل ایچینده اوجالیر عرشه نمازی
قانلی محرابیده اولدی ابدی راز و نیازی
واردی شهریمده مفاخر گویون اولدوزلاری سایی
گتیرور وجده بو عزت یرینن گویلری آیی
واردی یر یاد اولا بوردا «آل هاشم » ده سرایی
هامینین وار اورگینده بئله بیر سیده ایسته
شکر واجب دی نه قدری بئله بیر نعمته بولسه

#علامه_لر_دیاری #علامه_های_آذربایجان #تبریز #علمای_تبریز #علمای_آذربایجان #مفاخر #تورکی #علامه_امینی #علامه_طباطبایی #مفسر_قرآن #سید_علی_قاضی #عارف_بزرگ #علامه_جعفری #شهید_قاضی_طباطبایی #شهید_مدنی #دکتر_آل_هاشم #محمد_حسین_غلامی_سرای #استاد_غلامی_سرای #تبریز #تبریزیم #مرکز_فرهنگی_شهید_جدیری_کهنموئی #shahidjodeiry #shahidjodeiri #golami_sarai #fanitabrizi #tabriz
#tabrizim #fakhrolzakerin #seyyed_sharif